عشتي يا مطروح بلادي يا ميلادي يا ذكري تاريخ أجدادي

السلام عليكم ورحمة الله وبركاته
عشتي يا مطروح للشاعر / قاسم الجراري .
عشتي يا مطروح بلادي يا ميلادي يا ذكري تاريخ أجدادي .
مطروح بلادي ما أجملها نشـتاقلها يعجب شـاطيها وجبلها .
ع الإنجليز انتصروا هلها يوم الصادي جيش أسناو قطع في الوادي.
صوره عن وطني ننقلها يوم أعيادي نطري ناس أصحاب مبادئ.
ركابين اللي بنعلها ناس بوادي كسارين خشـــوم العادي .
هل بنت الريح نجفلها ريم جلادي ما تعرف سهره في نادي .
عصرانه ما خشت ملهي كيف هنادي هلي تلعب حادي بادي .
******
مطروح جذوري وفروعي هي موضوعي هي ممشاي وهي مقدوعي .
هي فرحه قلبي ودموعي هي ميعادي وغطاي وفرشي ووسادي
هي عام شهوري وسبوعي وأستعدادي وأيامي ووتاي وزادي .
نا عارف كوعي من بوعي دون مدادي نعرف تاريخي وأمجادي .
******
أنتي فيك ميه العيون وفيك جرون وبطيخ وتين وزيتون .
وفيك عنب فارق في اللون وتمر أفرادي خيرات ونعناع نضادي .
وأشجار ولوز وبزون وشيح كدادي وأعشاب وترفاس زبادي .
******
يا مطروح أنتي موالي وأنتي شعري وحكاياتي.
وأنتي راكي بالنسبة لي مرسي حلمي وأنجازاتي .
وأنتي مشواري وآمالي وأنتي مبداي وعاداتي .
ما ضيك ما يجهل والي عشتي بالمجهود الذاتي .
وأصبحتي في الوقت الحالي تكبر فيكي المشروعاتي .
يا ساحل مصر الشمالي يا موعد مستقبل آتي .
يا ويلي من قلت مالي يا مأساتي من عازاتي .
والدنيا مابت تصفالي فيها ياطول معاناتي .
شعري ضارب بيه أمثالي ماني خالط موضوعاتي .
ماضنيش خطيت مجالي يافاهم شعري ولغاتي .
لانشكي للناس بحالي مشكاي لعالم حالاتي .
لاني فايق رايق بالي ننشر في شعري وأبياتي .
ماعنديش أشعار تسالي تتعبني وتضيع أوقاتي .
شعري سامر فيه ليالي طالع من دمي وأهاتي .
نحكيبه ع اللي يجرالي فيه اسألتي وأجاباتي .
وأنتي يا مطروح سوالي فيك هناي وموروثاتي .
فيك نخيل وقاره شالي مانك عادي جوك هادي والمستقبل فيك ينادي .